លោកផ្កាយ៣ អ៊ុំ សំអាត មេបញ្ជាការរងកងអង្គរក្ស ក្រឡាប់ឡានបណ្ដាលឲ្យស្លាប់ប្រពន្ធ
13-January-2016 | ដោយ មួយឡា
ព្រះវិហារ៖ រថយន្តម៉ាក វីហ្គោ មួយគ្រឿង បានក្រឡាប់ធ្លាក់ផ្លូវបណ្តាលឲ្យស្ត្រីម្នាក់ ស្លាប់យ៉ាងអាណោចអាធ័ម និង ៥នាក់ ផ្សេងទៀតបានរងរបួសធ្ងន់ស្រាល កាលពីវេលាថ្ងៃត្រង់ ទី១២ ខែមករា ឆ្នាំ២០១៦ស្ថិតនៅតាមផ្លូវជាតិលេខ៦២ ចំណុច ឃុំរំដោះស្រែ ស្រុកជាំក្សាន្ត ខេត្តព្រះវិហារ។
សមត្ថកិច្ចបានអោយដឹងថារថយន្តដែលក្រឡាប់ ដោយខ្លួនឯងជារបស់លោក ឧត្តមសេនីយ៍ផ្កាយ៣ អ៊ុំ សំអាត មេបញ្ជាការរងកងអង្គរក្សសម្តេចតេជោហ៊ុន សែន ប្រចាំនៅស្រអែម បណ្តាលឲ្យស្លាប់ប្រពន្ធ គឺលោកស្រី ហ៊ឹម គឹមហេង អាយុ ៤៥ឆ្នាំ និងរងរបួស ៥នាក់ សុទ្ធតែជាសមាជិក ក្រុមគ្រួសារ។
មុនពេលកើតហេតុ ជនរងគ្រោះ បានបើករថយន្ត វីហ្គោ ពណ៌ស្ករ ពាក់ស្លាកលេខ ២J ៨៩៨១ មួយគ្រឿង ពីភ្នំពេញ ទៅខេត្តព្រះវិហារ ហើយងងុយដេក បណ្តាលឲ្យរេចង្កូតក្រឡាប់តែម្តង៕ ដោយ មែន កំសត់
ចំនួនអ្នកទស្សនា
- ថ្ងៃនេះ14001
- ម្សិលមិញ12561
- សប្តាហ៍នេះ41951
- ខែនេះ63831
- ឆ្នាំនេះ63831
- សរុប20506287